Masonluq – dini-etik hərəkat olub XVIII əsrdə gizli beynəlxalq təşkilat şəklində meydana gəlmişdir. İngiliscədən tərcümədə “azad bənna” mənasını verir (freemason). Masonluq müxtəlif formalarda mövcud olub üzvlərinin vahid mənəvi və metafiziki ideallarə bölüşməsi ilə səciyyələnir. Bunlardan ən birincisi Ali Varlığa inamdır.

Masonluq yerli lojalar şəklində fəaliyyət göstərir. Yerli lojalar Baş Lojaya tabedir. Bir qayda olaraq hər ölkədə yalnız bir Baş Loja fəaliyyət göstərir. Lakin ABŞ-da hər ştatda bir Baş Loja mövcuddur. İlk Mason lojaları XVII əsrdə İngiltərədə meydana gəlir. Lakin bəzi tədqiqatçılar masonluğun daha qədim keçmişə malik olduğunu bildirir. Onların fikrincə masonluq öz əsasını Səlibçilikdən və XIII əsr gildiya bənnaları ittifaqından götürür. Bəziləri isə bu tarixin Süleyman Şah Məbədinin tikilməsi ilə əlaqələndirir.

Ulu öndərin doğumunun 124-cü ili tamam
Kamil və örnək insan, mücahid, güclü məntiq və fəzilət yiyəsi... 

Tam əksinə. Deməli, xalqın sevgisini heykəllər, muzeylər şərtləndirmir. O əbədiliyin əsasını böyük əməl və məfkurə sahibi olmaq, ciddi və real işlərin ortalığa qoyulması təşkil edir. Və həmişə M.Ə.Rəsulzadəyə olan hücumları, qeyri-obyektiv yanaşmaları görəndə öndərin öz sözlərini xatırlamışam: “Demokratiya olmayan yerdə həmişə demoqogiya baş qaldırır”.

İstiqlal Bəyannaməsi bütün türk-müsəlman dünyasında, ümumiyyətlə bütün Şərqdə, ilk dəfə olaraq Azərbaycanda ən demokratik respublika idarə üsulunun parlamentli respublikanın yaradılacağından xəbər verirdi. Azərbaycan Milli Şurasının İstiqlal Bəyannaməsində deyilirdi:

1. Bu gündən etibarən Azərbaycan xalqı hakimiyyətə malik olduğu kimi, Cənub-Şərqi Zaqafqaziyanı əhatə edən Azərbaycan da tam hüquqlu müstəqil bir dövlətdir.

2. Müstəqil Azərbaycan dövlətinin idarə forması Xalq Cümhuriyyətidir.

3. Azərbaycan Xalq Cümhuriyyəti bütün millətlərlə, xüsusilə qonşu olduğu millətlər və dövlətlərlə mehriban münasibətlər yaratmaq əzmindədir.

4. Azərbaycan Xalq Cümhuriyyəti milliyyətindən, məzhəbindən, sinfindən, silkindən və cinsindən asılı olmayaraq öz sərhədləri daxilində yaşayan bütün vətəndaşlarına siyasi hüquqlar və vətəndaşlıq hüququ təmin edir.

5. Azərbaycan Xalq Cümhuriyyəti öz ərazisi daxilində yaşayan bütün millətlərin sərbəst inkişafı üçün geniş imkanlar yaradır.

6. Müəssislər Məclisi toplanıncaya qədər Azərbaycanın başında xalqın seçdiyi Milli Şura və Milli Şura qarşısında məsuliyyət daşıyan Müvəqqəti hökumət durur.

AZƏRBAYCAN XALQ CÜMHURİYYƏTİ - ŞƏRQDƏ İLK PARLAMENTLİ RESPUBLİKA

(1918-ci il may - 1920-ci il aprel)
Bəşəriyyət tarixinin ən dəhşətli və ən qanlı hərbi-feodal müstəmləkə rejimi olan Çar Rusiyası da Azərbaycan xalqının dövlətçilik ənənələrini məhv edə bilmədi. Əsarət altına salınmış türk-müsəlman xalqlarının milli mənlik şüurunu və qədim dövlətçilik ənənələrini məhv etmək siyasəti yeridən Rusiya imperiyası Cənubi Qafqazı bu siyasətin ən dəhşətli qanlı qırğın meydanına çevirmişdi. Bu qəddar siyasətin son məqsədi Cənubi Qafqazı Azərbaycanın türk-müsəlman əhalisindən "təmizləmək", bundan sonra İran və Türkiyəni aradan qaldırıb rahatca isti dənizlərə çıxmaq, bununla da Rusiyanın tarixi arzusuna - Hindistana yetişmək niyyətinə nail olmaq idi. Məhz bu məqsədlə də bir tərəfdən imperiyanın ayrı-ayrı yerlərindən Azərbaycan ərazisinə müxtəlif mənşəli xristian əhali köçürülüb gətirilir, digər tərəfdən də yerli əhalinin xristianlaşdırılması və ruslaşdırılması siyasəti yeridilirdi. Daha dəhşətlisi isə bu idi ki, həmin qanlı siyasəti daha uğurla həyata keçirmək üçün erməni-müsəlman qırğınları törədilirdi. Ölkənin şimal-qərb hüdudlarında isə Azərbaycan və gürcü xalqları arasına nifaq salmaq siyasəti yeridilirdi. Bir sözlə, Azərbaycan Çar Rusiyasının milli-müstəmləkəçilik siyasətinin ən dəhşətli sınaq meydanına çevrilmişdi.

Buna görə də bütün Rusiya imperiyası ərazisində məhz qədim dövlətçilik ənənələrinə malik olan Azərbaycan çarizmin qəddar milli-müstəmləkə rejiminə qarşı milli müqavimət hərəkatının əsas mərkəzinə çevrildi. İdarə olunmağa deyil, idarə etməyə vərdiş etmiş Azərbaycan xalqı özünün qabaqcıl ziyalılarının başçılığı altında bütün Rusiyanın türk-müsəlman xalqlarının milli azadlıq hərəkatının önünə keçdi.

Soranlara  ben  bu yurdun,anlatayım nəsiyəm :
Bən çeynən bir ölkənin "Həqq" bağıran səsiyəm !

Əhməd Cavad

Milli Şair , Azərbaycan Cünhuriyyətinin Dövlət Himnin müəllifi Əhməd  Cavad
Məhəmməd Əmin Rəsulzadənin görüşləri

....Azərbaycan gəcləri  saf və səmimi bir niyyətlə Türk öyrətmənlərinin  tələbəsi oldu.Çox keçmədi ki, Namiq Kamal - Məhəmməd  Hadini,Əbdülhaq Hamid - Hüseyn Cavidi, Məhəmməd Əmin də Əhməd Cavadı oğulluğa  götürdü

Rəsulzadə Məhəmməd Əmin 
"Əsrimizin səyavuşu","Çağdaş Azərbaycan Ədəbiyyatı","Çağdaş Azərbaycan Tarixi"  Bakı1991, səh 35

Onun yalnız bir mübarizə amalı vardı: Azərbaycanın müstəqilliyi. O bu yolda döyüşüb inamından dönmürdü. Hansı iş təklif olunsa da, harda söhbət düşsə də bir fikri irəli sürürdü: Azərbaycan müstəqil dövlət olmalıdır. Çoxları təəccüblənir, heyrət içərisində onun dönməzliyinə, cəsarətinə pərəstiş edirdilər. Bəzənhəyatı təhlükədə qalır, amansız ölüm lap yaxınlığında dayanırdı. Belə dəhşətli anlarda da sözündən dönmür, “Azərbaycan” davasını davam etdirirdi.

Türkiyədəki dostları onun haqqında böyük məhəbbətlə danışır və həmişə də bir söz deyirdilər. Danışırdılar ki, Emin bey hansı şəraitdə olusa-olsun, sakitcə bir kənarda oturardı. Elə ki, söz Azərbaycandan düşdü, o qızmış şirə dönər, alovlanırdı. Onun bu halı qarşısında hamı təslim olardı. O, Azərbaycan davasını hər kəsə dərin məntiqlə, sübut və dəlillərlə başa salıb qalib gəlməyi bacarırdı.

Bütün dünyanı qorxuya salan Hitler də Məhəmməd Əmin Rəsulzadənin “Azərbaycan davası” ilə bacarmadı.

Məhəmməd Əmin Rəsulzadə Hitlerlə üz-üzə gəlməzdən qabaq hələ 1933-cü ildə yazırdı ki, hitlerçilik hər şeydən əvvəl kommunizm demaqogiyasına qarşı çıxış etmək üçün yaradılmış bir ideyadır. O faşizm kimi öz müxaliflərindən diktatorluq fikrini götürmüş, lakin aradakı beynəlmiləlçiliyi millətçiliklə əvəz etmişdir

Bu gün erməni zabiti Qurgen Marqaryanı qətlə yetirdiyinə görə ömürlük azadlıqdan məhrum edilən Azərbaycan Ordusunun zabiti Ramil Səfərovun məhkəmə nəzarətçiləri ilə olan insidentlə bağlı Budapeşt Şəhər Peşt Rayon Məhkəməsinin 17 noyabr 2006-cı il tarixində çıxardığı hökmdən verilən apellyasiya şikayəti üzrə məhkəmə iclası keçirilib.

Azərbaycanın Macarıstandakı səfirliyindən APA-ya verilən məlumata görə, proses 2 saat davam edib. Dövlət ittihamçısı məhkəməyə gəlmədiyi üçün onun müraciəti oxunub. Dövlət ittihamçısı məhkəmədən Ramil Səfərovla bağlı 17 noyabr 2006-cı ildə verilən cəzanın ağırlaşdırılmasını xahiş edib. Zabitimizin macar vəkili Klara Fişer isə məhkəmədən cəzanın yüngülləşdirilməsini istəyib. Daha sonra çıxış edən Ramil Səfərov vəkilin fikirləri ilə razılaşdığını bildirib. Sonda hakim Qobor Şomodi qərarı açıqlayıb. Apellyasiya Məhkəməsi Budapeşt Şəhər Peşt Rayon Məhkəməsinin 17 noyabr 2006-cı il tarixdə çıxardığı hökmün (şərti olaraq 8 aylıq cıza) qüvvədə saxlanılması barədə qərar çıxarıb. Prosesdə Azərbaycanın Macarıstandakı səfirliyinin əməkdaşları da iştirak ediblər.

Hə əqraba deyəssiz ki bu nədiu yazirsan yazmağa yazı tapmamısanmi?Əqraba bilmirəm baxmisizmi bu analoqu olmayan kanala analoqu olmayan bir verliş gedir.Adıda ki»Gəlir zəngi»Bu gün nəsə evə gəldim baxdım ki bu verliş gedri sualda beleydii 4 herifli Azərbaycan şəhər və rayonlarını yazın amma ki şaquli xet üzrə həriflər uyğul gəlməsin.Hə ıqraba tərifləmək plmasın məndə rayonnarınızın adını bacardığım dədər bilirəm.Hə əqreaba zənglər gəldi pullar qazanıldı və bu vəziyyət alindi

QUBA

XIZI

AĞSU

ŞƏKİ

UCAR

Hörmətli blog isdifadəçiləri bilindiyi kimi bu il növbəti prezident seçkiləri keçiriləcəy.Sizcə bu seçkilər demokratik keçiriləcəymi?Növbəti prezdentimizin kim olmasıni isdırdiniz?Fikirlərinizi bildirin

Sənətkara Azadlıq

Mənim dustaqlıqdan azad edilməyim uğrunda çarpışanlar Azərbaycandan Moskvaya,təkcə A.Y.Suxaryevin – SSRİ prokurorunun adına bir milyon iki yüz mindən artıq məktub,teleqram,ərizə,şikayət,tələbnamə göndərmişlər.Ulusal hərəkatın bu dalğasından sonra hüquq xadiminin ulusun tələbini yerinə yetirəcəyinə ümid edirdim.

Xəlil Rza – bir ağ saçlı bahadır,
Elbrusdan,Savalandan ucadır.
Hər misrası bir qızıl gül,qonçadır.
Başı qarlı,özü bahar laləzar.
Azad edin,hür yaşasın sənətkar.

Arxasında aşıb – daşır milyonlar,
Neylər ona əyləncələr,oyunlar?
Ey tüfəngli,avtomatlı qoyunlar,
Kameranın gözü kordur,özü kar.
Azad edin,qələm çalsın sənətkar.

Od nəfəsi barmaqlığı yandırır.
Müdrik sözü qanmayanı qandırır.
Şair hansı təlatümdən yan durur.
Qoşun ona alagözlü bir nigar.
Azad edin,eşq əhlidir sənətkar.

Gedin,öpün ayağından,əlindən.
Üzr istəyin obasından,elindən.
İldırımdır,düşüb göyün qəlbindən.
Hər sətrində Misri qılınc hökmü var,
Azad edin,yerdi,göydü sənətkar.