Düşüncələrimizin maqnetik xüsusiyyəti var. Ətrafımızda və bizimlə baş verənlər düşüncələrimizdən asılıdır. Yaxın çevrəmizdə özümüz kimi düşünən insanların olmasi buna sübutdur. Amma yalnız insanlar deyil, hadisələr və onların nəticəsində və ya sayəsində yaran(mış)an şəraitin də düşüncələrimizdən asılı oldugunu göstərmək olur.

Qədim Romalılarin bir deyimi var: "Si duo cum faciunt idem, non est idem." Tərcüməsi: "Əgər iki nəfər eyni şeyi edirsə, bu artıq eyni şey deyil." Məsələ obyektin özündə deyil. Məsələ subyektlərin (insanların) obyektlərə verdiyi əhəmiyyətdədir. Inandıqlarınız gerçəkliyinizə çevrilir. Gerçəkliyiniz xoşunuza gəlmirsə, deməli inanclarınızda ve düşüncələrinzdə dəyişikliklər etmək haqqında düşünməli olacaqsınız, çünki gerçəklik özü deyişən deyil. Tez-tez təkrarladıgımız "düzələr" sözü gerçəklik duyumumuzun çəkingən olduğuna bir örnəkdir. "Düzəldərik" deyənlərin sayı həddindən artıq azdır, demək olar ki, 'yox' səviyyəsindədir.

"Susmaq qızıldır" deyənlər,
Susmağınızdan qazananlardır.
Susduqca siz, olursunuz aciz.
Onlarsa qaz vurub, qazan dolduranlardır.

Tutalım ki, istəmədiz susmaq.
Danışmağı siz seçəcəksiz.
Nə danışmaq lazım olduğunu,
Hardan, bəs, biləcəksiz?

Gərək, lazımdır ki, baxaq.
Ona-buna agız açaq.
Ordan-burdan minnət alaq.
Siyasiləşdirməyin, ancaq!

Kim kimi tutdu,
Kim kimi vurdu,
Kim kimə qoydu, -
Siyasiləşdirməyin! Oldu?